Дундговь аймгийн хэмжээнд 2019 онд их дээд сургуульд элсэн орох, төгсөх ангийн 140 гаруй сурагчдад мэргэжил, сургуулиа зөв сонгоход дөхөм болох, мөн их дээд сургуулиудын үйл ажиллагаатай танилцах, Япон улсад хэрхэн суралцах талаар мэдээлэл өгөх зорилготой “Ирээдүйд би” өдөрлөгийг 4 дэх жилдээ 2019 оны 4 дүгээр сарын 29-ний өдөр Гэр бүл хүүхэд залуучуудын хөгжлийн газарт амжилттай зохион байгууллаа.
Өдөрлөгийг аймгийн Хөдөлмөр халамжийн үйлчилгээний газар, Боловсрол соёл урлагийн газар, Мэргэжил сургалт үйлдвэрлэлийн төв, Гэр бүл хүүхэд залуучуудын хөгжлийн газарт хамтран зохион байгуулж, нээлтийн үйл ажиллагаанд аймгийн Засаг даргын орлогч Ж. Мөнхчулуун, аймгийн Засаг даргын Тамгын газрын Нийгмийн бодлогын хэлтсийн дарга А. Нарантуяа нар оролцлоо.
Тус өдөрлөгт Улаанбаатар хотоос Их засаг олон Улсын их сургууль, Монголын үндэсний их сургууль, Аймгийн мэргэжил сургалт үйлдвэрлэлийн төв, зэрэг 10 сургууль өөрсдийн үйл ажиллагаагаа ерөнхий боловсролын сургууль төгсөгчдөд сурталчлан танилцуулга мэдээллийг өгсөн.