Америкийн Нэгдсэн Улсын (АНУ) Элчин сайдын яамны боловсролын тэтгэлэгт болон соёл, төслийн хөтөлбөр хариуцсан Олон нийттэй харилцах албаны төлөөлөгч нар 5 дугаар сарын 12, 13-ны өдрүүдэд Дундговь аймагт ажиллалаа.
Энэ үеэр боловсролын бүрэн тэтгэлэгт хөтөлбөр хариуцсан ажилтан ЭСЯ-аас явуулдаг ЕБС-ийн 9-11 дүгээр ангийн сурагчдад зориулсан нэг жилийн солилцооны хөтөлбөр ФЛЕКС, бакалаврын оюутнуудад зориулсан нэг семистрийн солилцооны хөтөлбөр Глобал ЮГРАД болон мэргэжилтнүүдэд зориулсан магистрын зэргийн Фулбрайтын Оюутны хөтөлбөр, магистрын зэргийн бус мэргэжил дээшлүүлэх Хьюберт Х. Хамфри зэрэг хөтөлбөрүүдийг танилцуулав.
Мөн Америкийн Нэгдсэн Улсын (АНУ) Элчин сайдын яамны Олон нийттэй харилцах албаны дэд дарга Адам Хеннингс, АНУ-ын ЭСЯ-ны ОНХА-ны Дэд дарга болон ОНХА-ны ажилтан Х.Саруул нар аймгийн Засаг дарга О.Бат-Эрдэнэ, ЗДТГ-ын Нийгмийн бодлогын хэлтсийн дарга А.Нарантуяа, Төрийн захиргаа удирдлагын хэлтсийн дарга М.Цогзолмаатай уулзаж төрийн албан хаагчдын тэтгэлэгт хөтөлбөр болон Дундговь аймагт хэрэгжиж буй хөтөлбөр, цаашдын хамтын ажиллагааны талаар ярилцаж санал солилцлоо.
