Аймгийн Засаг даргын А/181 тоот захирамж, Сайнцагаан сумын Засаг даргын А/127 тоот захирамжийн дагуу “Сайнцагаан” хонийг омог болгон хянан баталгаажуулах ажлын хүрээнд Хүнс хөдөө аж ахуй хөнгөн үйлдвэрийн яамны мал үржил, бүртгэлийн бодлогын хэрэгжилтийг зохицуулах газрын дарга Д.Батсүрэн, Мэргэжлийн хяналтын ерөнхий газрын мал үржлийн хяналтын улсын ахлах байцаагч Доктор, дэд профессор Д.Батмөнх, Улсын мал эмнэлэг, ариун цэврийн төв лабораторийн их эмч Л.Мөнхжаргал, Хөдөө аж ахуйн их сургууль эдийн засгийн сургуулийн багш докторант Н.Мөнгөнцэцэг, Монгол улсын зөвлөх мал зүйч доктор,дэд профессор Н.Сүхээ, Мал аж ахуй эрдэм шинжилгээний хүрээлэнгийн эрдэмтэн нарийн бичгийн дарга Б.Нарантуяа, магистр Р.Булгантамир, нарын бүрэлдэхүүнтэй ажлын хэсэг Далай багийн цөм сүрэг бүхий зарим өрхийн хонин сүрэгт хаврын хянан баталгаажуулалт хийлээ. Уг ажилд аймгийн Хөдөө аж ахуйн газар, мөн сумын ажлын хэсэг, хонины хаврын жигнэлт, биеийн хэмжилтүүд, ноосны дээжийг авлаа.
