Швейцарын хөгжлийн агентлагийн Тогтвортой бичил уурхай төслийн хүрээнд Дундговь аймгийн Засаг даргын тамгын газар, Мэргэжил сургалт үйлдвэрлэлийн төвтэй хамтран энэ сарын 10-ны өдрөөс эхлэн бичил уурхайчдад мэргэжлийн ур чадвар олгох богино хугацааны сургалтад хамруулж байна.
Сургалтад бичил уурхай бүхий Баянжаргалан, Гурвансайхан, Хулд, Луус, Өлзийт сумдын 30 бичил уурхайчинг хамрууллаа. Энэ удаагийн сургалтыг тогооч, гагнуурчин мэргэжлээр зохион байгуулж байгаа бөгөөд 10 хоног үргэлжлэх юм.
