Төгсөх ангийн сурагчдын Элсэлтийн ерөнхий шалгалт улс орон даяар хоёр дахь өдрөө үргэлжилж байна. Энэ жилийн шалгалт нь сурагчид шалгалтаа өгсөн даруйдаа дүнгээ сонсож, анхны хэмжээст оноогоо үзэх боломж бүхий шууд засалтын үйл ажиллагааг явуулж буйгаараа онцлог юм.
Тус хичээлийн жилд Дундговь аймгийн хэмжээнд 144 сурагч төгсөж байгаа бөгөөд өмнөх оны төгсөгчид нийлээд 153 шалгуулагч элсэлтийн ерөнхий шалгалт өгөхөөр бүртгүүлжээ.
Шалгалт зургадугаар сарын 17-20-ны өдрүүдэд үргэлжлэх юм. Мөн энэ сарын 24-ны өдөр бүртгэлийн үйл ажиллагаа болж, 25-нд ур чадварын шалгалт өгөн, 26-ны өдөр хуваарь сонголтоо хийх аж.
