Аймгийн Засаг даргын зөвлөлийн 10 дугаар хурал зургадугаар сарын 27-ны өдөр 11 гишүүний ирцтэй хуралдлаа. Тус хуралдаанаар 11 асуудал хэлэлцэн Иргэдээс төрийн байгууллага, албан тушаалтанд гаргасан өргөдөл, гомдол, санал, хүсэлтийг хүлээн авч барагдуулах, шийдвэрлэлтэнд хяналт тавих, мэдээллэх журамыг шинэчлэн баталж, аймгийн 2018 оны үйл ажиллагаанд хийсэн хяналт шинжилгээ, үнэлгээний дүгнэлт зөвлөмжтэй танилцаж,  “Бүртгэл, санхүү, эдийн засгийн ажилтны аймгийн зөвлөгөөн”-ийг зохион байгуулахад хөрөнгө гаргахаар шийдвэрлэлээ.

Мөн Засгийн газрын 2016-2020 оны үйл ажиллагааны хөтөлбөрийг хэрэгжүүлэх 2019 оны төлөвлөгөөний эхний хагас жилийн хэрэгжилт, “Бүтээн байгуулалт, иргэн төвтэй төрийн үйлчилгээний жил”-ийн төлөвлөгөөний хагас жилийн хэрэгжилтэнд хяналт, шинжилгээ, үнэлгээ хийж Зөвлөлийн гишүүдэд танилцуулав.