Барилга хот байгуулалтын яаманд хэрэгжиж буй “Зүүн өмнөд говийн хот байгуулалт, хилийн ойролцоо суурин газруудын хөгжлийн МОН-3713” төслийн нэмэлт санхүүжилтээр Эрдэнэдалай сумын усан хангамж, ариутгах татуургын шугам сүлжээ, 50м3/хоног хүчин чадалтай цэвэрлэх байгууламж 2,7 км бохир усны шугам, 2,4 км цэвэр усны шугамын ажлыг “Сайн констракшн” ХХК 1,939,828,243 төгрөгөөр хийж гүйцэтгэлээ.
Эрдэнэдалай сумын дэд бүтцийг хөгжүүлэх, оршин суугчдын тав тухтай амьдрах орчныг нэмэгдүүлэх, орон нутгийн байгаль орчныг сайжруулж, хөрсний бохирдлыг бууруулах зэрэг олон талын ач холбогдолтой энэхүү төслийн барилгыг 2022 оны 08 дугаар сарын 18-ны өдөр ашиглалтад хүлээлгэн өгөхөөр барилга байгууламж ашиглалтад оруулах комисс ажиллалаа.
