Аймгийн иргэдийн Төлөөлөгчдийн Хурлаас санаачлан Улс төрийн хэлмэгдэгсдийн дурсгалын өдрийг хүндэтгэн өнгөрүүлэх ажлын хүрээнд аймгийн Засаг даргын Тамгын газар, Музей, Төв номын сан, Соёл, урлагийн газар, Сайнцагаан сумын иргэдийн Төлөөлөгчдийн Хуралтай хамтран залуу төрийн албан хаагчид болон дунд сургуулийн сурагчдад танин мэдэхүйн өдөрлөгийг аймгийн Музейд зохион байгууллаа.
Тус арга хэмжээнд аймгийн Засаг дарга Ц.Мөнхбат, аймгийн ИТХ-ын нарийн бичгийн дарга Ш.Энхсүх нар оролцлоо. Арга хэмжээнд оролцсон залуучууд, сурагчдад аймгийн Засаг даргын Тамгын газрын ХЭЗХ-ийн ахлах мэргэжилтэн С.Цэнгэлмаа "Улс төрийн хилс хэрэгт хэлмэгдэгсдийг цагаатгах, тэдэнд нөхөн олговор олгох тухай" хуулийн талаар мэдээлэл өгч, музейн үзмэртэй танилцлаа.
Эх сурвалж: Дундговь аймгийн Иргэдийн Төлөөлөгчдийн Хурал
