“People in need” олон улсын төрийн бус байгууллагын хөтөлбөрийн менежер Г.Булгантамираар ахлуулсан “Цэвэр агаар” төслийн баг энэ сарын 9, 10-ны өдрүүдэд Дундговь аймагт ажиллан, ажлын хэсгийнхэнтэй уулзалт хийлээ.
Энэ үеэр найман байршилд хэрэгжиж буй “Цэвэр агаар” төслийн хэрэгжилт, хамтын ажиллагааны талаар болон тус төслийн 2027 он хүртэлх дөрвөн жилийн нарийвчилсан төлөвлөгөөг боловсруулах уулзалтыг зохион байгуулсан байна.
Мөн аймгийн хэмжээнд хэрэгжиж байгаа ЧИП багц нэвтрүүлэх төслийн үр дүн, хэрэгжүүлсэн арга хэмжээний талаар санал солилцов. Түүнчлэн ЧИП хэрэглэгч 3 өрхөөр орж тухайн багцын хэрэглээ, хяналт үнэлгээг хийжээ. Цаашид үйлдвэрлэгчдийн зах зээлийг тэлэх, ЧИП багцыг үйлдвэрлэх стандарт, технологийн сургалтыг онлайнаар хийх, Говь-Алтай, Баянхонгор, Орхон аймгуудын туршлагыг судлан санаачилгатай ажиллах талаар зөвлөгөөг өгсөн юм.