Аймгийн Онцгой комиссын хурал өнөөдөр хуралдаж, шуурхай штабаас гаргасан шийдвэрийн дагуу сумдад ажилласан зургаан ажлын хэсэг нөхцөл байдлын мэдээллийг танилцуулж, хэлэлцсэний үр дүнд дараах шийдвэрийг гаргалаа.

Аймгийн Онцгой комиссоос томилсон зургаан ажлын хэсэг энэ сарын 23-26-ны өдрүүдэд бүх сумдад ажиллав. Ажлын хэсгийн бүрэлдэхүүн сумын Онцгой комиссын бүрэлдэхүүнд зудын эрсдэл, даван туулах арга хэмжээний талаар мэргэжил арга зүйн дэмжлэг үзүүлж, малчид иргэдтэй уулзалт зохион байгуулж, эмнэлгийн анхан шатны болон мал эмнэлгийн үйлчилгээг үзүүллээ.

Төсвийн тухай хуульд заасан цаглаврын дагуу төсөв захирагч нарын 2023 оны санхүүгийн тайлан, төсвийн хэрэгжилтэд аудит хийх ажил эхэлж нээлтийн хурлыг Дундговь аймаг дахь Төрийн аудитын газраас энэ сарын 25-нд зохион байгууллаа.

Дундговь аймгийн “Боловсролд хамрагдалтыг дэмжих зөвлөл”-ийн энэ оны анхдугаар хурал 83.3 хувийн ирцтэйгээр хуралдлаа. Хурлаар боловсролд хамрагдалтыг дэмжих зөвлөлийн 2023 оны төлөвлөгөөний биелэлт, 2024 оны үйл ажиллагааны төлөвлөгөөнд тусгах саналыг хөгжлийн бэрхшээлтэй хүүхдийг тэгш хамран сургах, иргэд олон нийтэд нөлөөлөх, багш, эцэг эхийг чадваржуулах чиглэлийн хүрээнд хэлэлцэж, шийдвэрлэлээ.

Энх тайвны Корпус /Peace corps/ байгууллагаас зарлагдсан Цахим хөтөлбөр /Virtual program/-ийн сонгон шалгаруулалтад аймгийн Засаг даргын Тамгын газраас орон нутгийн төрийн албан хаагчдад англи хэлний сургалт авах санал хүргүүлсний дагуу тус саналыг хүлээн авч Энх тайвны Корпусаас англи хэлний үнэ төлбөргүй цахим сургалтыг зохион байгуулж байна.

Аймгийн нийт нутгаар цас орж, өвөлжилт хүндэрч байгаатай холбогдуулан аймгийн Засаг даргын захирамжаар энэ сарын 23-ны өдрөөс сумдын өвөлжилтийн нөхцөл байдал, авч хэрэгжүүлж байгаа арга хэмжээтэй газар дээр нь танилцах, сумын Онцгой комиссын бүрэлдэхүүнийг удирдлага, зохион байгуулалтаар хангах, цаашид авч хэрэгжүүлэх арга хэмжээг тодорхойлох зорилгоор зургаан ажлын хэсгийг ажиллуулахаар шийдвэрлэжээ.

Өнөөдөр аймгийн Засаг даргын зөвлөлийн хоёрдугаар хурал есөн гишүүний ирцтэй танхимаар хуралдаж, 12 асуудлыг хэлэлцэв. Хурлаар Аймгийн хошой аварга малчин өрх, аварга малчин өрх, саальчин, тэмээчин, тариаланчдыг шалгаруулж, “Улсын хошой аварга малчин”, “Улсын аварга малчин өрх”-д хүндэтгэл үзүүлэх, хурдан морь уяачдад “Аймгийн Алдарт уяач” цол олгох тухай тус тус хэлэлцлээ.

Өнөөдөр буюу 01 дүгээр сарын 18-ны өдөр аймгийн Засаг дарга Ц.Мөнхбат шинээр ашиглалтад орсон аймгийн Нэгдсэн эмнэлгийн үйл ажиллагаа, тусламж үйлчилгээний чанар, хүртээмжтэй танилцан, хэвтэн эмчлүүлэгчдийн тав тухтай байдал, тохижилт, дутагдалтай байгаа тоног төхөөрөмжийн нөхцөл байдлыг биечлэн үзэж нэн шаардлагатай асуудлыг шийдвэрлэх талаар аймгийн Нэгдсэн эмнэлгийн дарга Э.Энхзоригттой

XVII жарны “Хилэнт эх” хэмээх модон луу жилийн босгон дээр ажил хөдөлмөрөөрөө улсдаа тэргүүлж "УЛСЫН ХОШОЙ АВАРГА МАЛЧИН"-аар

Дуу хуур, өв соёлын өлгий Дундговьчууд Үндэсний өв соёлоо тээх, түгээн дэлгэрүүлэх, хадгалж үлдэх зорилгоор аймгийн Засаг даргын 2024 оны 02 тоот захирамжаар сар бүрийн 3 дахь долоо хоногийн Лхагва гарагт Үндэсний хувцсаа өмсөх өдөр болгон уриалга гаргаснаар энэ сарын 17-нд аймаг, сумдын төрийн албан хаагчид, хувийн хэвшлийнхэн, цэцэрлэгийн бяцхан хүүхдүүд тус уриалгад нэгдлээ.

Монгол улсын шинэ Үндсэн хууль батлагдсаны 32 жилийн ойг тохиолдуулан Дундговь аймгаас сонгогдон Үндсэн хуулийг хэлэлцэн батлах үйл хэрэгт оролцсон депутатууд болон 2023 онд Монгол улсын гавьяат хэмээх эрхэм хүндэт цолыг хүртэж, нутаг орныхоо нэрийг дуурьсгасан алдартан гавьяатуудтай энэ сарын 12-ны өдөр уулзалт зохион байгуулж, хүндэтгэл үзүүлээ.