Байгаль хамгаалах нөхөн сэргээх арга хэмжээний зардлаар жил бүр булгийн эхийг хашиж, хамгаалах ажлыг хийдэг. Энэ оны хувьд Хулд сумын "Балын булаг", Сайхан-Овоо сумын "Дэлгэрэхийн булаг", Адаацаг сумын "Баян хошууны булаг"-ийг тус тус хашиж, хамгаалах ажлыг "Дундговь" ХХК-аар гүйцэтгүүллээ.
Булгийн эхийг хашсанаар ойр орчмын 13 өрхийн 14000 мал ундаалах боломжтой болсон байна. Одоогийн байдлаар аймгийн хэмжээнд байгаа 121 булгийн 62-ыг нь хашиж, хамгаалах ажлыг улсын болон орон нутгийн төсвөөр хийжээ.