Монгол улсын Үндсэн хуулиар хүлээсэн иргэний журамт үүргээ ухамсарлан 2022 оны II ээлжийн цэрэг татлагаар цэргийн албанд мордсон залуус Улаанбаатар хотын Зэвсэгт хүчний 013, 016, Өмнөговь аймагт байрлах Зэвсэгт хүчний 167, Дорноговь аймагт байрлах Хилийн цэргийн 0129 дүгээр цэргийн ангиудад хугацаат албаа нэр төртэй, үлгэр жишээ хаагаад, өнөөдөр халагдаж ирлээ.

Дайчдыг Дундговь аймгийн Засаг даргын Тамгын газрын Цэргийн штабын дарга, дэд хурандаа Ө.Баясгалан, Сайнцагаан сумын Засаг даргын орлогч И.Эрдэнэцог болон нутгийн удирдлагууд, гэр бүл, ах дүүс, найз нөхөд угтан авч, албаа нэр төртэй хааж, нутгийнхаа нэр алдрыг өндөрт өргөн Цэргийн тангарагтаа үнэнчээр зүтгэж “Эх орны цэрэг” болсонд баяр хүргэв.

Мөн Цэргийн штабаас энэ оны II ээлжийн цэрэг татлагыг аравдугаар сарын 1-15-ны өдрүүдэд зохион байгуулж байна.