Уламжлалт анагаах ухааны нэгдсэн эмнэлгийн ариун цэврийн өрөөний шинэчлэлт засварын ажилд шаардлагатай төсөв, хөрөнгийг аймгийн Засаг дарга Ц.Мөнхбат шийдвэрлэн, Мандал шилтгээн ХХК гүйцэтгэж, хүлээлгэн өглөө.
Тус эмнэлгийн ариун цэврийн өрөө нь хэвтэн эмчлүүлэгч нарт хүрэлцээ муу, цөөн тооны суултуур, угаалтууртай бөгөөд стандартын шаардлага хангахгүй байсан юм.
Ариун цэврийн өрөөг шинэчилснээр эрэгтэй, эмэгтэй өрөөг тусгаарлан, нийт таван суултуур, дөрвөн угаалтууртай болсон байна. Мөн аяга, таваг угаах хэсэг, уламжлалт анагаах ухааны шээсний шинжилгээний хэсэг зэргийг тусад нь зохион байгуулж, хэвтэн эмчлүүлэгч нар үйлчлүүлэхэд ая тухтай орчин бүрдүүлжээ.
