Шүүхийн шийдвэр гүйцэтгэх ерөнхий газрын харьяа Дундговь аймаг дахь Шүүхийн шийдвэр гүйцэтгэх газар нь “Шүүхийн шийдвэр гүйцэтгэх байгууллагын алба хаагчдын 2023-2024 онд зохион байгуулах чадавхжуулах сургалтын хөтөлбөр, төлөвлөгөө”-ний хүрээнд тактикын дадлага, сургалтыг аравдугаар сарын 26, 27-ны өдрүүдэд зохион байгууллаа.
Тус дадлага, сургалтыг аймгийн Прокурорын газар, Онцгой байдлын газар, Цагдаагийн газар, Шүүх шинжилгээний хэлтэстэй хамтран зохион байгуулсан байна.
Дээрх сургуулилтаар байгууллагын хүн хүч, техник хэрэгслийн хүрэлцээ, алба хаагчдын мэдлэг, ур чадварыг үнэлсэн, нэмэгдүүлсэн, байгууллага өөрийн хүч хэрэгслээр үүссэн нөхцөл байдалд ямар хугацаанд хариу арга хэмжээ авч таслан зогсоох чадвар, чадамжийн үнэлэмж, тусгайлсан чиг үүрэг бүхий байгууллагуудтай хэрхэн, яаж хамтран ажиллах талаар харилцан ажиллагааг сайжруулсан ач холбогдолтой сургалт болжээ.