Гадаад харилцааны хамтын ажиллагааны хүрээнд МОРА ТББ-тай хамтран худалдааны салбарт хүний нөөцийг хөгжүүлэх чиглэлээр жижиг дунд худалдаа эрхлэгчдийн зөвлөгөөнийг 12-р сард зохион байгуулахаар болсон бөгөөд ажлын хэсгийн уулзалтыг зохион байгуулав.
Уулзалтад аймгийн Засаг даргын Тамгын газрын дарга Л.Доржбат, МОРА ТББ-ЫН ТУЗ-ийн гишүүн Тошихару Оки, удирдах зөвлөлийн дарга Д.Уранцэцэг, ерөнхийлөгч Д.Нарантуяа болон холбогдох албаны хүмүүс оролцлоо.
Энэ үеэр МОРА ТББ-ЫН ТУЗ-ийн гишүүн Тошихару Оки худалдааны салбарт хүний нөөцийг хөгжүүлэх асуудлаар хамтын ажиллагааг эхлүүлж буйдаа талархал илэрхийлэн, цаашид Дундговийн бүтээгдэхүүнийг экспортлох сонирхолтой байгааг дурдсан байна.
Сургалт, зөвлөгөөнийг зохион байгуулснаар худалдаа, үйлчилгээний байгууллагуудад Японы худалдааны соёлыг нэвтрүүлэх, ажилчдыг цахим сургалтад хамруулан, чадавхжуулах, цаашдын урт хугацааны хамтын ажиллагааг бий болгох аж.
