Хөдөө аж ахуйг хөгжүүлэх олон улсын сангийн Монголыг хариуцсан захирал Mr. Meng Sakphouseth, тус сангийн зөвлөх Ms.Sabine Schamidt, Зах зээл ба бэлчээрийн удирдлагын хөгжил төслийн зохицуулагч С.Занданбал, дэд зохицуулагч С.Гүн-Уянга нар өнөөдөр Дундговь аймагт ажиллав.
Тус ажлын хэсгийг аймгийн Засаг дарга Ц.Мөнхбат хүлээн авч уулзсан бөгөөд төсөл хэрэгжилтийн үр дүн, хүрсэн амжилт, сурсан сургамжийг үнэлж, тайлагнан, төслийн дараах үр дүнгийн тогтвортой байдлыг хангах, хүлээлгэн өгөх талаар аймгийн Хөдөө, аж ахуйн газрын дарга, зорилтот сумдын Засаг дарга болон төсөлд хамрагдсан иргэдтэй уулзалт, хэлэлцүүлэг зохион байгуулсан юм.
