Дундговь аймгийн Засаг даргын Тамгын газрын Залуучуудын хөгжлийн төвөөс Олон улсын эмэгтэйчүүдийн эрхийг хамгаалах өдрийг тохиолдуулан Охид, эмэгтэйчүүдийн эсрэг үйлдэгдэж буй жендерт суурилсан хүчирхийллийг эсэргүүцэх, тэдний эдийн засаг, сэтгэл санаа, бие махбод, бэлгийн эрх чөлөө хэрхэн зөрчигдөж буй, үүнийг таслан зогсооход нийгмийн ойлголт, хандлага, мэдлэгийг нэмэгдүүлж, эмэгтэйчүүдийг хүчирхэгжүүлэх зорилгоор “Нэг тэрбумаараа тэмцье” эмэгтэйчүүдийн эрх чөлөөний алхалтыг өнөөдөр зохион байгууллаа.
Тус эрх чөлөөний алхалтад төрийн байгууллага, аж ахуйн нэгжийн 200 гаруй албан хаагч болон иргэд, сурагчдын төлөөлөл оролцож, үзэл бодол, үйл хөдлөлөөрөө нэгдсэн юм. НЭГ ТЭРБУМААРАА ТЭМЦЬЕ 2024 – “ЭМЭГТЭЙЧҮҮДИЙН ЭРХ ЧӨЛӨӨНИЙ ТӨЛӨӨ" алхалтыг орон нутагтаа хамтран зохион байгуулсан Сайнцагаан сумын Засаг даргын Тамгын газар Дундговь аймаг дахь Цагдаагийн газар, Тэнгэрийн тэмдэг хүүхдийн театр, Хүүхэд, гэр бүлийн хөгжил хамгааллын газар, Монголын эмэгтэйчүүдийн холбооны Дундговь аймаг дахь салбар зөвлөл, төрийн байгууллага, аж ахуйн нэгж, иргэд сайн дурын идэвхтнүүддээ талархал илэрхийлье.
