Өнөөдөр Дундговь аймагт Төрийн албаны ерөнхий шалгалтыг хоёр ээлжээр зохион байгууллаа. Шалгалтад 38 иргэн оролцохоос 31 шалгуулагч орж, урьдчилсан байдлаар нийт 4 шалгуулагч тэнцэн, төрийн албаны нөөцөд бүртгүүлэх боломжтой боллоо.
Энэ удаагийн шалгалтад Сайнцагаан сумын харьяат Бямбаагийн Отгонзул 100 оноогоор тэнцсэн байна.
Мөн шалгалтын үйл явцыг нээлттэй, ил тод байлгах зорилгоор шууд дамжуулалт хийж, үүдний хэсэгт дэлгэц байрлуулан, иргэд олон нийт дэлгэцээр шалгалтын явцыг хянах боломжийг бүрдүүлжээ.
