"Дэлхийн зөн Монгол" олон улсын байгууллага, Мал эмнэлгийн ерөнхий газартай хамтран “Уур амьсгалын өөрчлөлтөд тэсвэртэй орон нутаг” төслийн хүрээнд Дундговь аймгийн 15 сумын малын эмч, мэргэжилтнүүдийн сургалт, зөвлөгөөнийг зохион байгууллаа.
Сургалтаар Мал эмнэлгийн халдварт өвчний тандан шинжилгээ, хяналтыг сайжруулах чиглэлээр тархварзүйн ерөнхий ойлголт, хамрах хүрээ судалгааны үндсэн аргууд, мал амьтны өвчнийг сүргийн түвшинд оношлоход тархварзүйн мэдлэг ашиглах зэрэг сэдвүүдийн хүрээнд эмч мэргэжилтнүүдэд анхан шатны мэдлэг эзэмшүүлэв.
Сургагч багшаар ХААИС-ийн мал эмнэлгийн сургуулийн багш, доктор, малын их эмч Б.Чимэдцэрэн, Оролцоот эпидемиологийн мастер багш Б.Энхтуяа нар ажилласан юм. Мөн сургалтын үеэр аймгийн Мал эмнэлгийн газрын мэргэжилтэн М.Баянжаргалд оролцоот эпидемиологийн Үндэсний сургагч багшийн гэрчилгээг гардуулсан байна.
