Дундговь аймгийн Засаг даргын Тамгын газраас сумд, Засаг даргын эрхлэх асуудлын хүрээний агентлагуудын 2023 оны үйл ажиллагааны үр дүнг үнэлж, дүгнэн тэргүүний сум, байгууллагыг шалгаруулан шагнал гардууллаа.

ХVII жарны "Хилэнт эх" хэмээх модон луу жилийн сар шинийн баярт зориулсан Үндэсний бөхийн барилдааныг Дундговь аймгийн Засаг даргын Тамгын газар, Биеийн тамир, спортын газар, аймгийн Үндэсний бөхийн холбоо, Дундговь аймгийн бурхан шашинтны төв Дашгэнпэллин хийд, “Амгалан дэлгэрэх” төв хамтран зохион байгууллаа.

Аймгийн Онцгой комиссын 2024 оны ээлжит хоёрдугаар хуралдаанаас өгөгдсөн үүрэг даалгаврын дагуу аймгийн Хүнс, хөдөө аж ахуйн газрын дарга Б.Мөнхжаргалаар ахлуулсан ажлын хэсэг Өлзийт сумын Буянт багийн иргэд болон отроор яваа, уруудсан малаа эрэн хайж байгаа малчдад эрүүл мэндийн тусламж, өвс, бензин, хүнсний тусламжийг үзүүллээ.

Дундговь аймгийн Нэгдсэн эмнэлэгт UCТ 550 маркийн 80 зүслэгтэй аппаратыг 2023 оны 7-р сард суурилуулсан бөгөөд 9 сарын 11-ээс эхлэн “Компьютер томографын шинжилгээ”-г тогтмол хийж, одоогоор 125 хүнийг оношилгоонд хамруулаад байна.

“Хүүхэд, гэр бүл хөгжил, хамгааллын жил”-ийн хүрээнд аймгийн Засаг даргын захирамжаар архи, согтууруулах ундааг хэтрүүлэн хэрэглэсний улмаас хувь хүн, нийгэмд үзүүлэх сөрөг нөлөөллийг бууруулах зорилгоор “Архи үгүй амьдрал-Аз жаргал” аяныг 2024 оны 1-7 дугаар сарын хугацаанд зохион байгуулна.

Аймгийн Засаг даргын захирамжаар 12 хүний бүрэлдэхүүнтэй ажлын хэсгийг томилон Засаг даргын эрхлэх асуудлын хүрээний хэлтэс, агентлаг, сумдын Засаг даргын Тамгын газрын 2023 оны үйл ажиллагааны үр дүнд удирдамж, аргачлалын дагуу хяналт-шинжилгээ, үнэлгээ хийж байна.

Аймгийн Засаг даргын Тамгын газрын Хууль эрх зүйн хэлтсийн Архивын тасгаас төрийн байгууллагуудын архив, бичиг хэргийн ажилтнуудад e-document.gov.mn программд баримтаа хэрхэн шивэх, цахимжуулах талаар сургалтыг өнөөдөр зохион байгууллаа. Сургалтад 18 байгууллагын 20 хүн оролцжээ.

Аймгийн Онцгой комиссын хурал өнөөдөр хуралдаж, шуурхай штабаас гаргасан шийдвэрийн дагуу сумдад ажилласан зургаан ажлын хэсэг нөхцөл байдлын мэдээллийг танилцуулж, хэлэлцсэний үр дүнд дараах шийдвэрийг гаргалаа.

Аймгийн Онцгой комиссоос томилсон зургаан ажлын хэсэг энэ сарын 23-26-ны өдрүүдэд бүх сумдад ажиллав. Ажлын хэсгийн бүрэлдэхүүн сумын Онцгой комиссын бүрэлдэхүүнд зудын эрсдэл, даван туулах арга хэмжээний талаар мэргэжил арга зүйн дэмжлэг үзүүлж, малчид иргэдтэй уулзалт зохион байгуулж, эмнэлгийн анхан шатны болон мал эмнэлгийн үйлчилгээг үзүүллээ.

Төсвийн тухай хуульд заасан цаглаврын дагуу төсөв захирагч нарын 2023 оны санхүүгийн тайлан, төсвийн хэрэгжилтэд аудит хийх ажил эхэлж нээлтийн хурлыг Дундговь аймаг дахь Төрийн аудитын газраас энэ сарын 25-нд зохион байгууллаа.

Дундговь аймгийн “Боловсролд хамрагдалтыг дэмжих зөвлөл”-ийн энэ оны анхдугаар хурал 83.3 хувийн ирцтэйгээр хуралдлаа. Хурлаар боловсролд хамрагдалтыг дэмжих зөвлөлийн 2023 оны төлөвлөгөөний биелэлт, 2024 оны үйл ажиллагааны төлөвлөгөөнд тусгах саналыг хөгжлийн бэрхшээлтэй хүүхдийг тэгш хамран сургах, иргэд олон нийтэд нөлөөлөх, багш, эцэг эхийг чадваржуулах чиглэлийн хүрээнд хэлэлцэж, шийдвэрлэлээ.

Энх тайвны Корпус /Peace corps/ байгууллагаас зарлагдсан Цахим хөтөлбөр /Virtual program/-ийн сонгон шалгаруулалтад аймгийн Засаг даргын Тамгын газраас орон нутгийн төрийн албан хаагчдад англи хэлний сургалт авах санал хүргүүлсний дагуу тус саналыг хүлээн авч Энх тайвны Корпусаас англи хэлний үнэ төлбөргүй цахим сургалтыг зохион байгуулж байна.