Засгийн газрын 2024-2028 оны Мөрийн хөтөлбөрт Улаанбаатар-Мандалговь-Даланзадгад чиглэлийн авто замыг дөрвөн эгнээ болгон өргөтгөх, Чойр-Мандалговь-Арвайхээр чиглэлийн авто замыг бүрэн ашиглалтад оруулах ажлууд тусгагдсан.
Тус ажлын хүрээнд Чойр-Мандалговь-Арвайхээр чиглэлийн авто замын барилгын ажил гурван хэсэгт хийгдэж байна. Өнөөдөр аймгийн Засаг дарга С.Мөнхчулуун, Засаг даргын орлогч Ц.Ариунбаяр нар Мандалговь-Чойр чиглэлийн авто зам болон Улаанбаатар-Мандалговь чиглэлийн авто замтай нийлэх хоёр түвшний огтлолцлын барилгын ажлын нөхцөл байдалтай танилцлаа. Тус ажлыг “Эм Си Пи Си Жи Ар” ХХК гүйцэтгэж байгаа бөгөөд 60-70 техник хэрэгсэл, 100-120 хүний бүрэлдэхүүнтэй ажиллаж 2025 онд хийж дуусгах аж.
Энэ үеэр аймгийн Засаг дарга С.Мөнхчулуун гүйцэтгэгч компанийн инженер Ч.Галмандахтай уулзан, аймаг орон нутгийн зүгээс боломжтой бүх талаар хамтран ажиллаж, дэмжихээ илэрхийлсэн юм.
