Өнөөдөр аймгийн Засаг даргын орлогч, Шуурхай штабын дарга Ц.Ариунбаяр болон өвөлжилтийн бэлтгэл ажлын явц байдалтай танилцах, зудын эрсдэлийн үнэлгээ хийх ажлын хэсгийн гишүүд сумдын удирдлагуудтай цахим хурал хийж, үүрэг, чиглэл өгөв.

Өнгөрсөн амралтын өдөр аймгийн Засаг даргын орлогч Ц.Ариунбаяр, Засаг даргын Тамгын газрын дарга Б.Лхагвабаатар нар Сайнцагаан сумын Говийн тэнгэрийн 17а, 17б байрны оршин суугчидтай халаалтын асуудлаар уулзалт хийж, оршин суугчдын гомдлын дагуу халаалтын зуухны нөхцөл байдал, байрны дулаан алдагдал зэрэгтэй газар дээр нь танилцсан юм.

Энэ оны 11 сарын 1-ээс эхлэсэн Спортын бүтээлч сар аяны хүрээнд өглөөний идэвхтэй дасгал, хөдөлгөөний арга хэмжээг зохион байгууллаа. Аяны хүрээнд Дундговь аймгийн сумд болон байгууллага аж ахуйн нэгжүүд өөрийн байрандаа дасгал хөдөлгөөн хийх, аймгийн спортын заланд тогтмол ирж хичээллэх зэрэг төрөл бүрийн хэлбэрээр 1300 гаруй иргэд аянд оролцож дасгал, бүжиг суралцсан байна.

"Бэрх биш ээлтэй" уриан дор хөгжлийн бэрхшээлтэй хүний эрхийг хамгаалах олон улсын өдрийг угтан спортын олон төрөлт тэмцээнийг 2024.11.29-ний өдөр Аймгийн засаг даргын Тамгын газар, Хөгжлийн бэрхшээлтэй хүний хөгжлийн төв, Хөдөлмөр халамжийн үйлчилгээний газар, Нийгмийн даатгалын хэлтэс, Биеийн тамир, спортын газар хамтран хөгжлийн бэрхшээлтэй иргэдийн дунд зохион байгууллаа.

Санхүүгийн хяналт, дотоод аудитын албаны даргын сул орон тоог нөхөх сонгон шалгаруулалтыг 11 сарын 29-ний өдөр зохион байгуулж 2 иргэн шалгалт өгч тэнцлээ. Ингэснээр 1 ажлын байр нөхөгдөж боломжтой боллоо.

Аймгийн Онцгой комиссын ээлжит хурал энэ сарын 27-нд Онцгой комиссын гишүүдийн 90 хувийн ирцтэй хуралдлаа. Мөн энэ үеэр Улсын Онцгой комиссын хуралд цахимаар оролцов.

Ардын Их хурлын депутат, Улсын Их Хурлын гишүүн асан, Монгол улсын Соёлын гавьяат зүтгэлтэн С.Батмөнх, түүний гэргий Гавьяат багш З.Янжмаа, охин Соёл судлалын доктор Б.Тунгалаг, дэд профессор Б.Туяагэрэл нар өнөөдөр өөрсдийн ажил, амьдралын амжилт, бүтээл, түүхэн замнал, туршлагаасаа иргэд, хүүхэд багачуудад хуваалцаж, өөрсдийн зохиол бүтээл, гаргасан ном, эдэлж хэрэглэж байсан зүйлээрээ үзэсгэлэн гаргаж олны хүртээл болголоо.

Улсын төсвийн 403,7 сая төгрөгийн хөрөнгө оруулалтаар Дундговь аймгийн Улаанбаатар-Мандалговь чиглэлийн байнгын хяналтын пост, Дэлгэрцогт, Луус, Хулд сумдад хийгдэж буй “Дундаж хурдны камер”-ын тоног төхөөрөмж хүлээлгэн өгөх ажлын хэсэг энэ сарын 27-ны өдөр ажиллав.

Аймгийн Статистикийн хэлтэс Үндэсний Статистикийн Хороотой хамтран энэ сарын 27-28-ны өдрүүдэд сумдын Статистик хариуцсан ажилтнууд болон багийн Засаг дарга нарыг чадавхжуулах сургалт зохион байгуулж сумдын багийн дарга нар болон төрийн сангийн мэргэжилтнүүд зэрэг 83 хүнийг хамруулж байна.

Монгол улс анхдугаар үндсэн хуулиа баталж, Бүгд найрамдах улсаа тунхагласны 100 жилийн ойд зориулсан төрийн захиргааны байгууллагуудын дунд зохион байгуулдаг спортын таван төрөлт тэмцээнийг Ус, цаг уур, орчны шинжилгээний төв, Биеийн тамир, спортын газраас энэ сарын 21-23-ны өдрүүдэд зохион байгууллаа. Тэмцээнд 29 байгууллагын 400 гаруй тамирчин оролцож, хурд хүч, авхаалж самбаагаа сорин өрсөлдлөө.

Өнөөдөр Сайнцагаан сумын ерөнхий боловсролын таван сургуулийн 40 сурагч иргэний үнэмлэхээ гардан авч, иргэний андгай өргөлөө.

Өнөөдөр Дундговь аймгийн төрийн байгууллагуудын болон сумдын удирдлагуудын шуурхай хурал болж, хурлыг Засаг даргын Тамгын газар фейсбүүк хуудсаар шууд дамжууллаа.