Аймгийн Онцгой комиссын ээлжит хурал энэ сарын 27-нд Онцгой комиссын гишүүдийн 90 хувийн ирцтэй хуралдлаа. Мөн энэ үеэр Улсын Онцгой комиссын хуралд цахимаар оролцов.

Хурлаар Улсын Онцгой комиссын даргын өгсөн үүргийг хэрэгжүүлж, шуурхай штабыг байгуулж, сумдын өвөлжилтийн нөхцөл байдал, шинэ хоршооны үйл ажиллагаатай танилцах ажлыг хэсгийг томилохоор шийдвэрлэлээ.

Мөн малын хөлийн татварыг бэлчээрийн даацтай уялдуулан зохицуулалт хийх, өвөлжилтийг хохирол багатай даван туулах төлөвлөлт болон өөр аймгаас ирэх отор нүүдлийг хүлээн авах, зохицуулах төлөвлөлтийг танилцуулах зэрэг ажлыг холбогдох удирдлагуудад үүрэг болгов.

Аймгийн төвийн сургуулиудын автобус, дунд оврын автомашинуудын засвар үйлчилгээг хийлгэж, сургуулийн сурагчдын хэрэглээнд нэвтрүүлэх ажлыг Боловсролын газрын дарга Ц.Уранбямбад даалгалаа. Түүнчлэн аймгийн төвийн аваарын ДГ-100 генераторыг шинэчилж, чадлыг нэмэгдүүлэн, өндөр хүчин чадалтай генератор суурилуулах талаар судлан, хүчин чадал сайтай дизель генератор худалдан авахаар төсөвт тулгуулахаар шийдвэрлэсэн юм.