Ц.Сайнжаргал нь 2 аймгийн 3 суманд тасралтгүй 48 жил ажиллахдаа залуу гэр бүлийг судалгаанд суурилсан нөхөн үржихүйн болоод эрүүл эхээс эрүүл хүүхэд бойжих сургалт, бэлтгэл ажилд анхаарал хандуулан хүн ардын эрүүл мэндийг сахин хамгаалах үүргээ нэр төртэй биелүүлж 4000 нярайг эх үрийн эндэгдэлгүй эрүүл саруул боож авсан энгүй их ачит үйлсийн эзэн юм.

Ж.Очир 1970 оноос Мал аж ахуйн салбарт 40 жил тогтвор сурьшилтай ажиллахдаа сумын мал аж ахуйн үйлдвэрлэлд шинжлэх ухааны үндэслэлтэй шинэ дэвшилтэт технологи нэвтрүүлэн, мал сүргийн тогтвортой өсөлтийг хангаж 28 жил /1972-1999/ Монгол улсдаа хамгийн олон малтай сумаар шалгарч, мал аж ахуйн бүтээгдэхүүний нэгжээс авах ашиг шимийг үзүүлэлт бүрээр, 100 эхээс авах төлийн тоог төрөл тус бүрд нэмэгдүүлсэн амжилтын эзэн юм.