Луус сум үүсэн байгуулагдсаны түүхт 100 жилийн ойн баяр наадмын хүчит бөхийн барилдаанд Улсын начин Д.Тамир түрүүлж, Улсын харцага Л.Пүрэвжав үзүүрлэлээ. Цол олгох барилдаанд Луус сумын залуу бөх Ц.Өсөх-Ирээдүй түрүүлж сумын заан цолны болзол хангасан бол Эрдэнэдалай сумын харьяат сумын начин Н.Энхдөл үзүүрлэж, чимэг нэмлээ. #Луус_сум_100_жил

Хөдөлмөр эрхлэлтийн үндэсний зөвлөлийн 2024 оны 01-р тогтоолын хавсралт, “Хөдөлмөр эрхлэлтийг дэмжих чиглэлээр 2024 онд хэрэгжүүлэх үйл ажиллагаа \хөтөлбөр\, ХХҮЕГ-ын даргын 2024 оны А\196 тушаалаар батлагдсан “Малчдын малжуулах үйл ажиллагааны удирдамж”-ийн дагуу малчдын малжуулах арга хэмжээнд хамрагдсан иргэд 2024 оны 06 дугаар сарын 19-20-ны өдрүүдэд БАТЛАМЖАА гардан авлаа. 

Дундговь аймаг байгуулагдсаны 82 жил, Сайнцагаан сумын түүхэн 100 жилийн ойн баяр наадамд 64 бөх зодоглож, Эрдэнэдалай сумын харьяат, Улсын харцага Э.Даш түрүүлж, Дундговь аймгийн Эрдэнэдалай сумын харьяат, Аймгийн заан Ш.Ганбаяр үзүүрлэн, наадамчин олноо баясгалаа.

Баяр наадмын их насны морьдын уралдаанд 49 морь хурдаллаа. Аман хүзүүд Дундговь аймгийн Эрдэнэдалай сумын харьяат Рэнцэндагвын Мөнхболдын хүрэнАйргийн тавд Дундговь аймгийн Эрдэнэдалай сумын харьяат Сумын алдарт уяач Бямбажавын Буянжаргалын цэгээн халзан тус тус хурдаллаа.

Ардын хувьсгалын 103 жил, Дундговь аймаг байгуулагдсаны 82 жил, Сайнцагаан сумын түүхт 100 жилийн ойн баярын наадмын Сумын цол олгох барилдаанд Эрдэнэдалай сумын харъяат сумын заан Магсаржалаагийн Бямбажав үзүүрлэлээ.

Улсын наадмын Хязаалангийн түрүү Батсуурийн Чинзориг, Сонгомол дээд насны Айргийн тав Аймгийн алдарт уяач Баянмөнхийн Бямбадорж, Монгол улсын Харцага Эрдэнэбатын Даш, Монгол улсын Дархан мэргэн Дэлгэрмаагийн Одгэрэл, Аймгийн хурц Арслан Нямсүрэнгийн Амгаланбаатар, Аймгийн Заан Хүүхэнбаатарын Чойжилсүрэн нарт хүндэтгэл үзүүлэх баяр наадмыг 2024 оны 07 сарын 29,30-ны өдрүүдэд тэмдэглэн өнгөрүүлнэ.

Тулгар төрийн 2233, Их Монгол Улсын 817, Үндэсний эрх чөлөө, тусгаар тогтнолоо сэргээн мандуулсны 113 Ардын хувьсгалын 103 жилийн ой, Үндэсний их баяр наадмын Сонгомол дээд насны уралдааны айргийн тавд аймгийн Алдарт уяач Баянмөнхийн Бямбадоржийн ухаа хонгор морь хурдаллаа.Нутгийн зон олны өмнөөс баяр хүргэж, халуун талархал илэрхийлье.

Тулгар төрийн 2233, Их Монгол Улсын 817, Үндэсний эрх чөлөө, тусгаар тогтнолоо сэргээн мандуулсны 113 Ардын хувьсгалын 103 жилийн ой, Үндэсний их баяр наадмын шагайн харвааны төрөлд Дэлгэрмаагийн Одгэрэл түрүүлж МОНГОЛ УЛСЫН ДАРХАН МЭРГЭН цолны болзол хангалаа. Нутгийн зон олны өмнөөс баяр хүргэж, халуун талархал илэрхийлье.

Ардын хувьсгалын 103 жилийн ой, Дундговь аймаг байгуулагдсаны 82 жилийн ойн баяр наадмын цол олгох барилдаан энэ сарын 10-нд болж, улс, аймаг, сумын алдар цолтой 128 бөхийн барилдлаа.

Ардын хувьсгалын 103 жилийн Үндэсний их баяр наадмын хязаалан насны морьдын уралдаанд Батсуурийн Чинзоригийн хээр түрүүлж халхын том сумын нэрийг Их Монголын наадамд цуурайтууллаа.