Нийтийн эзэмшлийн гудамж талбайд гэр хорооллын айл өрх, аж ахуйн нэгжүүд, байгууллагууд орчиндоо 50 метрт их цэвэрлэгээ, мөн төрийн байгууллагууд дотоод орчны их цэвэрлэгээ хийж 2,5 тонн хогийг цэвэрлэж нэгдсэн цэгт төвлөрүүллээ. Их цэвэрлэгээний ажилд 69 төрийн албан хаагч, иргэд оролцлоо.

Малын сэг зэм устгал, халдваргүйтгэлийн ажлыг зохион байгуулах сумын Засаг даргын 2024 оны 04 дүгээр сарын 02-ны өдрийн А/29 дүгээр захирамжийн хэрэгжилтийг хангаж Буянт 1 дүгээр багийн нутаг дэвсгэрт үйл ажиллагаа явуулдаг “СИ ЖИ СИ ЭМ” ХХК-ний талбайд малчдын хаясан сэг зэмийг холдуулан, техник хэрэгсэлтэй иргэнтэй гэрээ байгуулан хамтран ажиллаж байна.

Сумын Засаг Даргын 2024 оны 04 дүгээр сарын 09-ны А/20 тоот Захирамжийн дагуу хогийн нэгдсэн цэгийг шуух, булах, талбай засах ажлыг 2024 оны 04 сарын 09-ний өдрөөс 15-ны өдрийн хооронд Дундговь аймгийн Сайнцагаан сумын 7-р багийн Иргэн Д.Миеэсүрэнтэй ажил гүйцэтгэх гэрээг байгуулан 10300м3 хогийг ачиж зөөн, 1800м3 овоолго үүсгэж, 3 га талбайн хур хогийг шууж шинээр хог асгах талбай засаж, 400м газарт зоган татлаа.

Малын сэг зэм устгал, халдваргүйтгэлийн ажлыг зохион байгуулах сумын Засаг даргын 2024 оны 04 дүгээр сарын 02-ны өдрийн А/29 дүгээр захирамжийн хэрэгжилтийг хангаж Дэрт 5 дугаар багийн зүй бусаар хорогдсон сэг зэм устгах, булшлах ажилд орон нутагт уул уурхайн үйл ажиллагаа явуулдаг “Эрдгео” ХХК нийгмийн хариуцлагын хүрээнд хамтран ажиллалаа.

Дундговь аймгийн Засаг дарга Ц.Мөнхбатын санаачилгаар энэ хичээлийн жилийн 4 сарын 1-ээс “Сүү хөтөлбөр”-ийг хэрэгжүүлэхээр шийдвэрлэн, өнөөдөр нээлтээ хийлээ.