Монгол Улс анхдугаар Үндсэн хуулиа баталж, Бүгд Найрамдах Улс тунхагласны 100 жилийн ойг тохиолдуулан Монгол Улсын Ерөнхийлөгчийн 2024 оны 06 дугаар сарын 10-ны өдрийн 84 дүгээр зарлигаар “Төрийн жинхэнэ албан хаагчийн тангараг өргөх ёслолын журам”-ын 4.2 дахь хэсэгт заасны дагуу Төрийн албаны тухай хуульд заасан болзол шаардлагыг хангаж, төрийн албаны тусгай шалгалт өгч, тэнцэн Монгол Улсынхаа төрийн албанд үнэнч шударгаар түүх үлдээн зүтгэхээр төрийн албанд анх томилогдсон 17 албан хаагч “Төрийн жинхэнэ албан хаагчийн тангараг” өргөлөө.

Төсвийн тухай хуулийн 8 дугаар зүйлийн 8.5.1 дэх заалт, 67 дугаар зүйлийн 67.1, Сангийн сайдын 2012 оны 244 дүгээр тушаалаар батлагдсан "Орон нутгийн төсвийн төсөл боловсруулах журам"-ын дагуу аймгийн 2025 оны төсвийн төслийг аймгийн Засаг дарга С.Мөнхчулуун аймгийн иргэдийн Төлөөлөгчдийн Хурлын дарга Ж.Мөнхчулуунд өргөн мэдүүллээ.

Монгол улсаа тунхаглаж, Анхдугаар үндсэн хуулиа баталсны 100 жилийн ойд зориулсан бөхийн барилдааныг аймгийн Засаг даргын Тамгын газар, Биеийн тамир, спортын газар хамтран өнөөдөр зохион байгууллаа.

Төрийн захиргааны байгууллагуудын дунд уламжлал болгон зохион байгуулдаг спортын таван төрөлт тэмцээнийг Ус, цаг уур, орчны шинжилгээний төв, Биеийн тамир, спортын газраас энэ сарын 21-23-ны өдрүүдэд зохион байгуулж байна. Тэмцээнд 29 байгууллагын 400 гаруй тамирчин оролцож, хурд хүч, авхаалж самбаагаа сорин өрсөлдөж байгаа юм.

Энэ оны сүүлийн хагас жилийн Мэргэшсэн нягтлан бодогч (МНБ) эрх олгох орон нутгийн шалгалтыг арван нэгдүгээр сарын 22-24-ний өдрүүдэд бүсчилсэн хэлбэрээр орон даяар зохион байгуулж байна.

Энэ сарын 20-нд аймгийн Засаг даргын зөвлөлийн 15 дугаар хурал 77,7 хувийн ирцтэй хуралдав.

Энэ оны 4 дүгээр улирлын төрийн албаны ерөнхий шалгалт улс орон даяар нэгэн зэрэг эхэллээ. Дундговь аймагт шалгалтад орохоор 66 иргэн бүртгүүлснээс 54 иргэн буюу 81,8 хувь нь шалгалтад орсон байна. Үүнээс эрэгтэй 14, эмэгтэй 40, насны ангиллаар харуулбал 18-25 насны 18, 26-40 насны 30, 41-55 насны 6 иргэн байв.

Анхдугаар Үндсэн хуулийн түүхэн ач холбогдол, Үндсэн хуульт төрийн байгуулал, хууль ёсоо эрхэмлэн дээдлэх үзэл санааг хүүхэд залуучууд, иргэдэд тайлбарлан таниулах, Үндэсний болон түүхийн ухамсар, бахархлыг дэмжих зорилгоор аймгийн иргэдийн Төлөөлөгчдийн Хурал, Засаг даргын Тамгын газар, С.Буяннэмэхийн нэрэмжит Төв номын сан, аймгийн Музей, Боловсролын газартай хамтран “Үндсэн хууль-100” арга хэмжээг төлөвлөгөөний дагуу зохион байгуулж байна.

Аймгийн Засаг даргын Тамгын газрын Хууль, эрх зүйн хэлтсийн дэргэдэх Архивын тасгаас Архив, албан хэрэг хөтлөлтийн хууль эрх зүйн баримт бичгийг боловсруулах сургалтыг өнөөдөр зохион байгууллаа.

Хөгжлийн бодлого төлөвлөлт, түүний удирдлагын тухай хууль, Төсвийн тухай хуульд заасан цагалбарын дагуу аймгийн иргэдийн Төлөөлөгчдийн Хурлаар аймгийн Засаг даргын үйл ажиллагааны хөтөлбөр, 2025 оны төсвийг хэлэлцүүлэг батлуулна.

Монголын Үндэсний олон нийтийн радио телевиз, Хүнс, хөдөө аж ахуй, хөнгөн үйлдвэрийн яам хамтран “Алтан төлийн эзэн”-ийг 46 дахь жилдээ тодруулж байгаа юм.

Монгол Улсын Их хурлаас Ахмад настны тухай хуульд нэмэлт өөрчлөлт оруулан баталж, 2025 оны 1-р сарын 1-ний өдрөөс эхлэн хэрэгжүүлэх юм.