XVII жарны "Хилэнт эх" хэмээх модон луу жилийн босгон дээр ажил хөдөлмөрөөрөө улс, аймаг, сумандаа тэргүүлсэн аварга малчин өрхүүддээ хүндэтгэл үзүүллээ. Хүндэтгэлийн үйл ажиллагааг сумын ИТХ-ын дарга П.Түвшинсайхан нээж мал аж ахуйн салбарт манлайлан ажиллаж буй малчдадаа амжилт хүсч эрүүл, энхийг хүссэн юм. - Улсын аварга малчин өрхөөр 1. Гончигдагвын Батчулуун, Сэнгээгийн Маам - Аймгийн аварга малчин өрхөөр 1. Нямсүрэнгийн Уранбилэг, Норовжавын Дэлгэрцэцэг 2. Эрдэнэбилэгийн Гүрүүням, Агваанданзангийн Гэрэлтуяа 3. Дулмаагийн Цолмон, Жалцангийн Энхсайхан - Сумын аварга малчин өрхөөр 1. Нямын Загдсүрэн, Алтангэрэлийн Мэндсайхан 2. Алтангэрэлийн Хүүхэнбаатар, Лувсандоржийн Нямцэрэн 3. Нэргүйбаатарын Сүхбаатар, Сүрэнжавын Пүрэвцэмбэл 4. Мөнхчулууны Баттулга

Сумын онцгой комиссын шийдвэрийн дагуу зам хаагдсан багуудад зам гаргах ажлыг зохион байгуулж нийт 358 км зам гаргаж 300литр дизель зарцуулсан. Сумын онцгой комиссын шийдвэрээр Сумын төвд цасанд дарагдсан айл өрхийн болон гудамжны цасыг түрж зам гаргасан.

ЭРДЭНЭДАЛАЙ СУМЫН НИЙТ АХМАДЫН ДУНД УЛАМЖЛАЛТ "ШАГАЙ ХАМАХ" ТЭМЦЭЭНИЙГ ЭРЭГТЭЙ, ЭМЭГТЭЙ АНГИЛАЛААР ЗОХИОН БАЙГУУЛЛАА.

Дундговь аймгийн Засаг дарга Ц.Мөнхбат сумдын болон агентлагуудын дарга нартай 2024 онд хамтран ажиллах гэрээ байгууллаа.

Дундговь аймгийн Засаг даргын үйл ажиллагааны хөтөлбөр, аймгаас дэвшүүлсэн зорилт, аймгийн Засаг даргатай байгуулсан гэрээгээр хүлээсэн үүргээ амжилттай гүйцэтгэж 2023 оны үйл ажиллагааны үр дүнгээр" "Санаачилгатай сайн" үнэлгээ авч бусад сумдаа манлайлан ТЭРГҮҮН байр эзэллээ. Шагналыг аймгийн Засаг дарга Цагаанхүүгийн Мөнхбат, ЗДТГ-ын дарга Лхагвасүрэнгийн Доржбат нар гардуулж баяр хүргэлээ. Тус сум нь үйл ажиллагааны үр дүнгээр - 2021 онд "Тэргүүн" байр - 2022 онд "Дэд" байр - 2023 онд "Тэргүүн" байрыг эзэлж амжилт гаргаж байсан байна. Орон нутгийнхаа бодлого шийдвэрийг дэмжин ажилладаг нийт иргэддээ, баг болж хамтран ажилладаг нийт албан хаагчдадаа чин сэтгэлийн талархал илэрхийлье.

Сумын Засаг дарга М.Баярсүх 2023 оны сумын онцлох үйл ажиллагааны талаарх илтгэлийг аймаг, сумдын удирдлагууд болон хэлтэс, агентлагийн дарга нарт танилцууллаа. Илтгэлийн агуулга: 1. Боловсролын чанар хүртээмжийг дэмжих жилийн хүрээнд зохион байгуулсан ажил: 2. Байгууллагын соёлыг нэмэгдүүлэх чиглэлээр хийгдсэн ажил: 3. Ид шидтэй өрөө байгуулах, менежмент хийх ажлын хүрээнд: 4. Е-Mongolia системийг иргэдэд сурталчлах, цахимжуулах чиглэлээр: 5. Хог хаягдлын талаар авч хэрэгжүүлсэн арга хэмжээ 6. Ногоон байгууламжийг нэмэгдүүлэх чиглэлээр: 7. Гадаадын хөрөнгө оруулалтаар хэрэгжих төсөл хөтөлбөрүүдтэй хамтран ажиллах талаар: 8. Байгууллагын албан ёсны фейсбүүк хуудсыг идэвхжүүлэх, аймаг орон нутгийн мэдээллийг иргэдэд хүргэсэн байдал: 9. Сумын төвийн гэрэлтүүлэг, камержуулалт: 10. Олон нийт рүү чиглэсэн арга хэмжээ:

Дундговь аймгийн Засаг дарга Ц.Мөнхбат сумдын болон агентлагуудын дарга нартай 2024 онд хамтран ажиллах гэрээ байгууллаа. Энэ үеэр аймгийн Засаг даргын Тамгын газрын дарга Л.Доржбат 2023 онд хийсэн ажлын тайлан, онцлох ажлыг танилцуулсан бөгөөд удирдах, удирдуулах зарчимд суурилсан иргэдэд ээлтэй, ил тод нээлттэй, авлигагүй шударга, сахилга хариуцлагатай төрийн албыг төлөвшүүлж, хүнд суртлыг арилгах арга хэмжээ авч ажиллах чиглэл өглөө. Гэрээнд: 1. Нээлттэй Дундговь хөтөлбөрийг хэрэгжүүлэх 2. “Хүүхэд, гэр бүл хөгжил хамгааллын чиглэлээр төлөвлөгөө боловсруулж үр дүнг тооцон ажиллах 3. Хүүхэд хамгааллын хүрээнд болзошгүй эрсдэлээс хамгаалсан аюулыг илрүүлэх, арилгах талаар санал санаачилга гарган ажиллах 4. Аймгийн Засаг даргын 02 дугаар захирамжаар “Үндэсний дээл хувцсаа өмсөж хэвших уриалгыг” хэрэгжүүлж соёлыг дэлгэрүүлэх 5. Хог хаягдлаа ангилан ялгах, хоёрдогч түүхий эд авах цэгүүдэд нийлүүлэх 6. Тэрбум мод” үндэсний хөдөлгөөний хүрээнд мод тарьж, арчлах, ургуулах ажлыг зохион байгуулах 7. “Цахим байгууллага” аяны хэрэгжилтийг хангаж ажиллах 8. Гадаадын хөрөнгө оруулалтаар төсөл хөтөлбөр санхүүжүүлэгч байгууллагууд (Элчин сайдын яамд, Олон улсын байгууллагууд)-д нэг болон түүнээс дээш тооны төсөл бичиж хүргүүлэх 9. “Дундговио ногооруулъя” хөтөлбөрийн хүрээнд байгууллага бүр хүлэмжийн ногоо тариалах, сургалтад албан хаагчдыг хамруулах 10. Төрийн байгууллага бүр албан хэргээ хос бичгээр хөтлөх ажлыг турших зэрэг заалтуудыг тусгажээ.

ХVII жарны "Хилэнт эх" хэмээх модон луу жилийн сар шинийн баярт зориулсан Үндэсний бөхийн барилдааныг Иргэдийн Төлөөлөгчийн хурал, Засаг даргын Тамгын газар, Биеийн тамир спортын газар, сумын Үндэсний бөхийн холбоо хамтран зохион байгууллаа.

#Нэгдүгээрт_хүүхэд #Гэрээсээ_гэрэлтье "Тал нутгийн тансаг агаар" цасны баярын арга хэмжээ нь нийтийн "flash mob" тойрон бүжиг, урлаг соёлын арга хэмжээгээр эхэлсэн ба уулын оргил булаалдах, олс таталт, бидний бүтээл, буухиа тэмцээнээр үргэлжилсэн юм. Тэмцээн уралдаанд авхаалж самбаагаа дайчлан оролцсон нийт хүүхэд багачуудад амжилт хүсч сумын Засаг даргын орлогч Л.Золжаргал амжилт гаргасан хүүхэд багачуудад шагналыг гардуулсан юм. Тус үйл ажиллагааны санхүүжилтийг шийдвэрлэж өгсөн Сумын Засаг дарга М.Баярсүхдээ нийт хүүхэд багачуудынхаа өмнөөс талархсанаа илэрхийлье. Арга хэмжээг зохион байгуулсан: - Сумын Засаг даргын дэргэдэх Залуучуудын хөгжлийг дэмжих салбар зөвлөл - Сумын биеийн тамир спортын орон тооны бус зөвлөл - Хүүхэд хамгааллын хамтарсан баг Техник хэрэгслээр дэмжсэн: - Сумын ЗДТГ - Соёлын төв - Ерөнхий боловсролын сургууль - Багш, эцэг эхчүүддээ чин сэтгэлийн ТАЛАРХАЛ илэрхийлье.